兰桂坊20食肆响应 Visa payWave俾钱 餐饮有着

时间:2020-01-08 作者:

 

兰桂坊20食肆响应  Visa payWave俾钱 餐饮有着

电子钱包在港渐流行,出街买嘢都唔使俾现金,确实方便咗唔少。Visa即日起同兰桂坊协会旗下嘅20间食肆及酒吧合作,只要客人用Visa payWave俾钱,即享不同餐饮优惠,包括自选饮品买一送一及折扣优惠,Ray带埋一班朋友去兰桂坊玩,都唔使惊银包无钱俾啦。


Visa香港及澳门地区总经理戴嘉倩(图左)话,拣兰桂坊合作主要睇準对方係一个用膳好地方(best destination for dining),未来一年仲会游说更多兰桂坊食肆设Visa payWave装置,等更多市民体验非接触式的支付方式,又相信Visa payWave交易量嚟紧会有显着升幅。


虽然本港非接触式支付不断进步紧,但兰桂坊协会主席盛智文(Allan Zeman,图右)噚日同Ray大叹,香港喺呢方面仍然太落后,而中国更係带领全球,几乎每周要去内地公干嘅Allan话,自己在当地搭的士用QR Code嘟一嘟就俾到钱,当地人都唔会带现金出街,笑称如果你用现金,简直就当你来自另一星球呀,似乎香港确要加快脚步先追得上。


 

 

围观: 549次 | 责任编辑: